وللرجال الحمقى، خمسون ظلًا

 التدوينة دي، هكتبها دلوقتي، وهبقي أندم عليها بعدين....

***

زي أي يوم شغل تقيل، حرفيًا أربعاء بطعم التلات، خلصت الشغل وروحت من الشغل للبيت مرورًا بنص الكرة الأرضية، وقعدت في الطريق بتاع ساعتين ونص، ووصلت البيت هلكانة وخلصانة وكارهه الموجودات والعالم والحياة، وبفكر أعمل حاجه أنكد على نفسي بيها.

طبعًا الاذكيا بيقولوا إن الأيام الخرا فايدتها النوم، بس أنا شايفة إن الأيام الخرا لازم تخلص بجرعة خرا مضاعفة.

ولما كنت مش في مزاج رايق لأني اتفرج على شيرلوك أو أحمل لوكي، أو أقرأ عن الخريطة البرجية، ففكرت في نشاط يتضمن رثاء الذات، وإني أخلص اليوم وأنا حرفيًا كارهة العالم أكتر ما أنا بكرهه، علشان ادخل انام، اصحي تاني يوم بحمد ربنا إن امبارح خلص.

وبما أن الأنشطة النكدية محدودة، سألت نفسي، طب ليه متفرجش على فيلم ينكد عليا، ويحققلي نهاية سودا لليوم، ويخليني اقفل اليوم وانا بقول: كلكم مصطفى أبو حجر؟

خمسون ظلًا من البنفسجي الصايص:

من وقت صدور الفيلم/ الرواية دول، والضجة اللي حواليهم، وأنا واخدة موقف عنيف جدًا من الفيلم من منطلق نسوي بحت! الفيلم بيتم الترويج ليه على إنه نسخة جديدة وعصرية من الأميرة والوحش (اللي هنبقي نتكلم عليهم بعدين)، اللي فيها الراجل السادي/ المسيطر، بيحب بنت هادية لطيفة جميلة ويستغل براءتها علشان يمارس عليها ساديته. الفيلم وقت إصداره لاقى انتقادات كبيرة جدًا من المنطلق ده، الراجل اللي بيطارد البنت بثراءه ونفوذة وطياراته وعربياته علشان يسحبها للعالم المظلم بتاعه ويقنعها بممارسة السادية عليها!

طيب، أنا ليه واخدة موقف من الفيلم/ الرواية؟

علشان أنا واحدة عضو نشط في جمعية المرأة المتوحشة، وشايفة إن مش من حق حد يمشي كلامه على حد، بالبلدي كده، مفيش حد هيتكبرج هنا، مش من حق حد يئذي حد ولو على سبيل اللعب، أو الاتفاق حتى، وكنت بشوف دايمًا انستازيا ستيل بنت من الشلة بتاعى البنات صحابي وشايفة اني لازم انصحها وأوعيها متقبلش حاجه زي كده من الواطي اللي اسمه كريستيان.

 (اوكي يا جماعة، أنا كبرت وعقلت وقررت إني متدخلش في اختيارات الاخرين العاقلين الراشدين، اللي عاوز يتكربج هو حر، اللي عاوز يتهبب هو حر، وأنا مش هاخد قرارات للناس، أنا قاعدة في مقعدي القانط، اللي عاوز نصيحة أو مساندة يتفضل يشرفني، ويمكن دي حاجة خلتني اتسامح مع فكرة الفيلم واقدر اشوفه).

المرحلة العاقلة الراشدة اللي انا وصلتلها دي عامة حصلت نتيجة إني بشوف بنات في علاقات مؤذية من الطراز الأول، بيتفشخوا ويتضربوا بالجزمة ومكملين، ولما تيجي توعيهم تلاقيهم يقولولك اصلك بتغيري وحقودة وابصر ايه! طيب يا جماعة، اختارو واتفشخوا ولو محتاجينني وانا فاضية هبقي اجي اتخانق معاكم.

القصد....

الراجل الغامض بسلامته

من اللحظة الأولى لظهور الأخ كريستيان جراي، وأنا في دماغي كلمة واحدة بس: Hollow!

كريستيان جراي فاضي تمامًا من جوه، وبيعمل كل حاجه علشان يتدعى انه مسيطر 👽

وطبعًا يا حبايبي انتو عارفين إن السيطرة دي ايه؟ ايون، بالضبط، السيطرة دي وهم في دماغ اللي بيحاول يطبقها، وبالتالي، السيد كريستيان جراي هو شخص غارق حتى النخاع في أوهامه 😎

من أول لحظة وكريستيان بيحاول يبين إنه خبره، عميق، غامض، زير نساء ومقطع السمكة وديلها، من أول ربع ساعة مع انستازيا وهو ده ملخص حياة الراجل الغامض بسلامته! العلاقة بعقد، وعقد تاني لو هتعيشي معايا، اللي هو: مالك يا حبيبي؟ مالك!

طيب،

إحنا متفقين على إني نسوية معقدة ومجنونة، وبكره الرجالة عامة والستات دائمًا وبكره العالم والحياة، بس كترة التعامل مع ذكور معقدين (وستات معقدة برضة) خليتني أبص لما هو أبعد من الهالة اللي البني أدم بيرسمها حوالين نفسه.

انستازيا ستيل، الملاك البرئ أبو قلب طيب قوي، مش انثي ضعيفة يتم استغلالها زي ما النقاد كانو بيروجوا، ابسلوتلي، انستازيا كان عندها قوة نابعة من كونها ضعيفة! رغم انها خام بمواصفات مجتمع منفتح عالعلاقات زي المجتمع الأمريكي، الا انها رفضت وعدلت في شروط العقد ونفضت لكريستيان مرة واتنين وفي الاخر (اخر الجزء الأول يعني) سابته ومشيت لما معجبهاش الشروط، رغم انه كان متعلق بيها ومش قادر يستغنى عنها.

الراجل الغامض بسلامته أبو خمسين ظل طلع في الاخر راجل ضعيف بيقول لها خليكي جنبي علشان اتغير، والرواية السيكسي الواو اللي حطمت البوكس اوفيس في عالم الروايات، اللي غلبت مبيعاتها مبيعات هاري بوتر -ياللعار- اخرها بتتكلم عن قصة راجل عامل نفسه جامد بس هو من جواه مخوخ، وعنده أمل في إن ست تيجي تزبطه!

كريستيان هش جدًا، هش بشكل مرعب، هش لدرجة انه خايف أي حد يناقشه في مبرراته علشان ميتكشفش قدام نفسه، انه Hollow، وعنده تشايلدهود ايشوز، وبدل ما يحترم نفسه ويروح يتعالج عامل لنفسه اوضه لعب وبيخوف بيها البنات!

اهو كريستيان ده من الأول كان عاوز تبصله من تحت النضارة، وتقول له: اهدي على نفسك يا حبيبي، وفكك من الجو ده، وسيبك من حوار السيطرة ده لان السيطرة، أصلًا، وهم.

احيه!

اهذا هو الفيلم اللي البنات في لبنان عملوا مظاهرات قدام السينما علشان مقاطعة الفيلم! اهذا هو الفيلم اللي كانت سيرته منرفزاني! النبي ميصحش كده!!!

وحقيقي، لما انتبهت للحقيقة دي، بقيت اشوف كل تصرفات كريستيان بشكل كوميدي جدًا، مقابل تصرفات انستازيا اللي في حالتها الضعيفة، عارفة تولع قلب العبيط وتحسسه انه مش عارف يمسك العصفورة في ايده!

الفيلم طبعًا +18، لا يصلح للمشاهدة العائلية خالص، يمكن التحفظ الوحيد على فكرة المشاهد السادية، وده اللي استهلك جزء من الفيلم وده اللي كان سبب الانتقاد غالبًا، بس مازلت شايفة (لعبة العروش) مثلاً أسوأ وصادم أكتر! ما علينا.

المهم يا جماعة، توته توته، خلصت الحدوته، واهلًا بالاخ كريستيان جراي منور في قايمة الرجالة الحمقى معانا اللي عاملين لنفسهم قصة عالفاضي.

نلتقى في الحلقة القادمة، مع راجل أحمق أخر، نطلعه عالمسرح ونعرف حكاية أمه ايه.

 

Anxiety : صفحة رقم 2 من يوميات مريض قلق

 لا استطيع التوقف عن التفكير في الأشياء السيئة. الأمور ساءت كثيرًا في الفترة الأخيرة، خاصة بعد عودة الأفكار الانتحارية التي كنت قد تعافيت منها منذ فترة. عادت بقوة، حتى أصبحت أفكر فيها ليلاً ونهارًا وقبل النوم وبمجرد الاستيقاظ. يصف لي طبيبي المعالج دواء أخر لمقاومة تلك الأفكار، الدواء يقاوم لكنني لا استطيع المقاومة.

ثم أشعر بالقلق... 

أبحث عمن أتشارك معه هذه الأفكار، أتشاركها مع شقيقتي فتشعر بالقلق المضاعف، أو مع أمي فتشعر بالألم الشديد،أم مع أصدقائي فيسدون النصائح، أم مع طبيبي فيحاول تقديم الحل الذي لا استطيع تنفيذه.

كل هذا يقودني إلى الشعور بالقلق...

في العمل، تستمر الامور في أن تسوء. أفعل الكثير من الأشياء الجيدة، لكننا متفقون على أن أثر الأشياء السيئة يبقى. أخبرتهم بالفعل أنني أعاني من متلازمة اضطرابات القلق والنتيجة أنني أصبحت تحت الملاحظة الدقيقة توقعًا لتأثير القلق على أدائي المهني واتخاذ قرار بناء على ذلك. أحاول الا يجعلني ذلك أقلق، لكنني، مازلت أشعر بالقلق. 

لا يعلم أحد ما يدور في رأسي، ولو علموا لن يصدقوا. لكل منا مشاكله العامة والخاصة، أما أنا، فمشاكلي تكمن مع شخص واحد فقط، هو شخصي البائس الذي تصالحت مع العالم كله ولا استطيع إبرام اتفاقية سلام معه.

لا يعلم أحدًا أنني ارغب أحياناً في ثقب رأسي بمثقاب كي اتوقف عن التفكير في الأشياء السيئة. أنا بالفعل أشعر بالبؤس، بالكثير منه، ولا استطيع التوقف عن ذلك.

البؤس يقود إلى القلق، فأشعر بالقلق.....

منذ فترة ليست بالقصيرة، أقاوم الشعور بالانهيار لأسباب عديدة، بالأمس ساءت الأمور كثيرًا... ساءت للغاية وعلى أكثر من مستوي، حتي أصبحت لا استطيع مقاومة الشعور بالانهيار. يخبرونني دائمًا عن حجم العمل والالتزامات والمسئوليات، وأخبرهم أنني اقدر ذلك كثيرًا وأحاول التكيف معه، لكن يبدو أن البعض لا يعيش دون تأثير الادرينالين.

بالنسبة لي، الادرينالين يقتلني حرفيًا، يجعلني لا أفكر سوء في الايذاء، لي، فقط! 

هل أتحدث مع من يشعرون بالقلق أو الالم فأشعر أنا بالذنب، لا لن يحدث ذلك وسوف اتجاهل الامور واخبر نفسي أن طل شئ على ما يرام. 

بالأمس لم استطع مقاومة الشعور، فتركت نفسي للانهيار حتى أحصل على مساعدة دوائية/ كيميائية، لكن ليست تأتي الرياح بما تشتهي السفن. استيقطت اليوم لأجد أنني أشعر شعورًا بشعًا بالدوار، لا استطيع رفع رأسي من الوسادة- رغم أنني يجب أن أتوجه إلى العمل اليوم-. 

الدواء الذي تناولته بالأمس يقيد القلق بسلاسل فولاذية، لا يجعلني اشعر بالقلق لكنني عوضًا عنه أشعر بالدوار......

ماذا أفعل؟ 

ثم أشعر بالقلق، وأفكر في اللحظة التي سيمن الله علي بالراحة الأبدية، 

حيث لا أقلق مرة أخري.....

في عام الوباء، كيف بقينا أحياء

جاء الوباء، أدري من أين وكيف جاء، لكن،

 would it help?

****

أعرف هذه الرؤيا،

وأعرف أنني أمضي إلى ما أعرف،

أنا لست حيًا في أي مكان، لكنني أعرف- جيدًا- ما أريد،

أريد الا اريد....

****

، أعرف هذه الرؤيا، فقد متت من قبل،

أعرف أن لا أحد لي،

لكن أنا فقط- وأشباحي- لي.

******

نحن لا نشعر بالقلق أو الخوف من الأوبئة، لأن الخوف الحقيقي، يكمن في الغرف المظلمة التي نفتحها وندخلها ونمكث فيها، فقط بمفردنا.

***

كيف يبدو الموت؟ أيبدو مخيفًا أكثر من الحياة؟

لماذا يخشى البشر الموت؟ الأنهم لم يَخبروه؟ أم لأنهم لا يعرفون ماهيته؟

الإنسان عدو ما يجهل،

وعدو أكبر لما يعلم، فهو لا يعلم انه لا يعلم، وما يعلمه هو غير معلوم.

***

عزيزي، تعلم أن حديثًا بيننا لم ينقطع،

وتعلم أنه لم يتصل أيضًا...

عزيزي، أتعلم أنك لم نتوجد قط، ولن توجد قط!

****

أتذكر جيدًا متى ولدت، لكني لا أتذكر تاريخ موتي..

استيقظت فجأة لأجد أن كل محاولات النجاة انتهت بالموت،

فقررت التوقف عن المحاولة،

لأجد أن الموت وحده- فقط-

هو ما أبقاني على قيد الحياة بعد فشل محاولات النجاة بنجاح.

****

أن تعقد الصداقة الدائمة مع أشباحك، عوضًا عن محاربتها لتجدها أكثر تمسكًا بالبقاء.

****

يشعرون بالقلق من الوباء، لكنهم قد أتوا متأخرين قليلاً،

من دفعوا ثمن القلق بالفعل في أزمنة لاحقة، قد استحقوا أن يحكموا مملكة الموتى الأحياء.

الموتى وحدهم، من استحقوا أن يحكموا مملكة الموتى الأحياء.

****

سيمر الوباء بجواري، ولن يراني....

سأنظر لوجهه من وراء عباءته السوداء الفضفاضة،

ولن يراني....

سأنظر لعينيه الواسعين المخيفتين بثبات،

لكنه لن يراني....

سيأخذ الكثيرين ولن يأخذني معهم...

الوباء يأخذ الأحياء فقط،

أما الموتى،

فلا شأن له بهم...