نكتب عن إيه النهاردة؟
أقول لك:
نكتب #عن العالم اللي بعد ما كنت حسبته اتقام تاني من بعد ما انهار، رجع انهار فوق دماغي.
#عن سحلة الشغل والإهانة والمرمطة وأني يتزعقلي من كل حد معدي لمجرد إني الصغيرة اللي فيهم.
#عن احساس كل يوم بإني عايزة أموت نفسي، مستنية الموت وزهقانة لأنه اتأخر.
#عن قهرة القلب، كسرة النفس، أول وتاني وعاشر. #عن صحابك اللي خذلوك، #عن الحبايب اللي القلب انحرق واتكسر وانت مستنيهم، علشان يرجعو يحرقوا قلبك ويكسروه أكتر.
#عن التحرش، #عن الإغتصاب، #عن الهجرة غير النظامية، واللاجئين اللي بيتجمدوا من البرد، أو بيموتوا من العطش، أو بيغرقوا في البحر، أو بيتخنقوا في شاحنات مقفولة بين النمسا والمانيا.
#عن الإشتباكات، والشوارع اللي كرهتنا أكتر ما بقينا نكرهها، عن الذكريات السيئة.
#عن الرعشة اللي بتضرب العضم كل ما بنعدي علي كوبري قصر النيل، أو كل ما نسمع اسم رابعة العدوية.
#عن المنع من السفر، من الكلام، من الأحلام، من الأمل.
#عن الرفاق، عن رنا ومحمود عبد الظاهر وزكريا وشريف وهداية، سلوي ودعاء وأماني وإيناس، رشا وجيهان، أحمد التيتي ومحمود حسن، وساره ابراهيم وإيمان محمد، دكتور نادية ودكتور أمل ودكتور نيفين ودكتور هبة ودكتور نهلة.
#عن عائشة، وأحكام، وهيبة، ونادية، ورباب، وروزان والمدافعات.
#عن #تيران_صنافير_مصرية ، وعلم مصر لما بقي تهمة.
#عن أول نوبة هلع، وأخر نوبة هلع، وما بينهما.
#عن التوتر، القلق، المهدئات، الأدوية، عن الجانب المظلم لما يقرر انه هو اللي هيحكمك ويفرض عليك قواعده لانك فشلت تفرض قواعدك عن العالم.
#عن النوم اللي معدش بييجي غير بالمنومات.
#عن الأكل العصبي، والبوليميا، والانهيار من الأكل، وعدم القدرة علي التوقف، والدايت، والفشل في الدايت، والمحاولة تاني علشان برضه نفشل.
#عن نورهان
#عن الأسود لما بقي لون الحياة.
#عن الدنيا لما تبتدي تضحكلك علشان تلاقي نفسك فجأة وقعت من فوق الجبل.
#عن الرغبة في الكتابة، والخوف منها.
#عن يوسف.
#عن الخوف من نفسك اللي احياناً بتكشف عن جانب انت نفسك عمرك ما كنت تتخيل انه موجود.
#عن أحلي سنين العمر اللي راحت، وانت مش عارف راحت إزاي وأمتي.
#عن نهاية الأحلام.
#عن الناس اللي لما وقعنا قدامهم في الطريق، سندونا رغم انهم عايزين اللي يسندهم وشايلين اللي يقطم الضهر.
#عن الكسرة، والذل والعبثية وقلة الأدب وقلة الحيلة.
أقول لك:
نكتب #عن العالم اللي بعد ما كنت حسبته اتقام تاني من بعد ما انهار، رجع انهار فوق دماغي.
#عن سحلة الشغل والإهانة والمرمطة وأني يتزعقلي من كل حد معدي لمجرد إني الصغيرة اللي فيهم.
#عن احساس كل يوم بإني عايزة أموت نفسي، مستنية الموت وزهقانة لأنه اتأخر.
#عن قهرة القلب، كسرة النفس، أول وتاني وعاشر. #عن صحابك اللي خذلوك، #عن الحبايب اللي القلب انحرق واتكسر وانت مستنيهم، علشان يرجعو يحرقوا قلبك ويكسروه أكتر.
#عن التحرش، #عن الإغتصاب، #عن الهجرة غير النظامية، واللاجئين اللي بيتجمدوا من البرد، أو بيموتوا من العطش، أو بيغرقوا في البحر، أو بيتخنقوا في شاحنات مقفولة بين النمسا والمانيا.
#عن الإشتباكات، والشوارع اللي كرهتنا أكتر ما بقينا نكرهها، عن الذكريات السيئة.
#عن الرعشة اللي بتضرب العضم كل ما بنعدي علي كوبري قصر النيل، أو كل ما نسمع اسم رابعة العدوية.
#عن المنع من السفر، من الكلام، من الأحلام، من الأمل.
#عن الرفاق، عن رنا ومحمود عبد الظاهر وزكريا وشريف وهداية، سلوي ودعاء وأماني وإيناس، رشا وجيهان، أحمد التيتي ومحمود حسن، وساره ابراهيم وإيمان محمد، دكتور نادية ودكتور أمل ودكتور نيفين ودكتور هبة ودكتور نهلة.
#عن عائشة، وأحكام، وهيبة، ونادية، ورباب، وروزان والمدافعات.
#عن #تيران_صنافير_مصرية ، وعلم مصر لما بقي تهمة.
#عن أول نوبة هلع، وأخر نوبة هلع، وما بينهما.
#عن التوتر، القلق، المهدئات، الأدوية، عن الجانب المظلم لما يقرر انه هو اللي هيحكمك ويفرض عليك قواعده لانك فشلت تفرض قواعدك عن العالم.
#عن النوم اللي معدش بييجي غير بالمنومات.
#عن الأكل العصبي، والبوليميا، والانهيار من الأكل، وعدم القدرة علي التوقف، والدايت، والفشل في الدايت، والمحاولة تاني علشان برضه نفشل.
#عن نورهان
#عن الأسود لما بقي لون الحياة.
#عن الدنيا لما تبتدي تضحكلك علشان تلاقي نفسك فجأة وقعت من فوق الجبل.
#عن الرغبة في الكتابة، والخوف منها.
#عن يوسف.
#عن الخوف من نفسك اللي احياناً بتكشف عن جانب انت نفسك عمرك ما كنت تتخيل انه موجود.
#عن أحلي سنين العمر اللي راحت، وانت مش عارف راحت إزاي وأمتي.
#عن نهاية الأحلام.
#عن الناس اللي لما وقعنا قدامهم في الطريق، سندونا رغم انهم عايزين اللي يسندهم وشايلين اللي يقطم الضهر.
#عن الكسرة، والذل والعبثية وقلة الأدب وقلة الحيلة.
عن كل ده وأكتر، اللي شوفناه، وقدرنا نعيش بعده، وده معناه انه فيه أمل إننا نعيش يوم كمان، بغض النظر اليوم التاني ده هيكون فيه ايه.
