النهارده 9 سبتمبر ...
الدنيا ضلمة قوي، كل حاجه عندي بايظة...
حياتي كلها دخلت الانعاش بالمعني الحرفي للكلمة، الماجستير، الشغل، حياتي الشخصية..
ده أسوأ يوم عدي عليا من بعد اعلان نتيجة انتخابات الاعادة، بصراحة.
مش مهم، كل المحن دي هتعدي، بس المشكلة الوحيدة في المحن، انها لما بتعدي، بخلق عندنا اجسام مضادة منها.
كل محنة عدت عليك سابت فيك حاجه تخليك اقوي عند المحنة الجاية، وهي دي بقي المشكلة...
بعد ما محن حياتك بتخلص، بتبقي انت شخص غير قابل للهزيمة.... مفيش حاجه بتقف قدامك، بتحس بالقوة المطلقة،
بتحس ان مفيش حاجه تقف قدامك ، وانك تقدر تدوس علي اي حد.
نظرية "النصال التي تتكسر علي النصال"، نظرية صحيحة تماماً للأسف.
حاليًا انا مش مبسوطة، لاني بالطريقة دي ممكن ادوس علي حاجات كتير وانا مش واخده بالي.
مستوعبة المشكلة بس مش قادرة احلها، ماشية في الطريق المرسوم.
احساس انك بتحارب من غير ما يبقي عندك حاجة تخسرها، احساس بغيض...انك لا تبقي باقي لا علي حد ولا علي حاجه....
بالضبط عايشة احساس الفرخة المدبوحة، عمالة اتنفض وانا بطلع في الروح، والمصيبة اني عارفة اني مش هموت ..
اني هرجع اعيش تاني، بس حياة من غير حياة.
يا رب احميني من الحياة زي الاموات،
واحفظني من القسوة.
الدنيا ضلمة قوي، كل حاجه عندي بايظة...
حياتي كلها دخلت الانعاش بالمعني الحرفي للكلمة، الماجستير، الشغل، حياتي الشخصية..
ده أسوأ يوم عدي عليا من بعد اعلان نتيجة انتخابات الاعادة، بصراحة.
مش مهم، كل المحن دي هتعدي، بس المشكلة الوحيدة في المحن، انها لما بتعدي، بخلق عندنا اجسام مضادة منها.
كل محنة عدت عليك سابت فيك حاجه تخليك اقوي عند المحنة الجاية، وهي دي بقي المشكلة...
بعد ما محن حياتك بتخلص، بتبقي انت شخص غير قابل للهزيمة.... مفيش حاجه بتقف قدامك، بتحس بالقوة المطلقة،
بتحس ان مفيش حاجه تقف قدامك ، وانك تقدر تدوس علي اي حد.
نظرية "النصال التي تتكسر علي النصال"، نظرية صحيحة تماماً للأسف.
حاليًا انا مش مبسوطة، لاني بالطريقة دي ممكن ادوس علي حاجات كتير وانا مش واخده بالي.
مستوعبة المشكلة بس مش قادرة احلها، ماشية في الطريق المرسوم.
احساس انك بتحارب من غير ما يبقي عندك حاجة تخسرها، احساس بغيض...انك لا تبقي باقي لا علي حد ولا علي حاجه....
بالضبط عايشة احساس الفرخة المدبوحة، عمالة اتنفض وانا بطلع في الروح، والمصيبة اني عارفة اني مش هموت ..
اني هرجع اعيش تاني، بس حياة من غير حياة.
يا رب احميني من الحياة زي الاموات،
واحفظني من القسوة.
ليست هناك تعليقات:
إرسال تعليق